'კორონავირუსი არსად გამქრალა... შეიძლება ყოველ წუთს იფეთქოს' – გამყრელიძე

„კიდევ ერთხელ მოვუწოდებთ მოსახლეობას, კორონავირუსი არსად გამქრალა და ჩვენთან ერთად არის - დღეს 9 შემთხვევა გვქონდა, გუშინ იყო 5, იმის წინ კიდევ 5, ერთეული შემთხვევები არის. ჯერ–ჯერობით ჩვენთან ინფექცია კონტროლირებადია, მაგრამ ხაზს ვუსვათ, რომ ამან ჩვენ არ უნდა გაგვათამამოს და კორონავირუსმა შეიძლება ყოველ წუთს იფეთქოს“, - განაცხადა გამყრელიძემ.


ამასთან, გამყრელიძის განცხადებით, საქართველოში შედარებით უკეთესი მდგომარეობაა ვიდრე მეზობელ და ევროპულ ქვეყნებში, სიტუაციის კონტროლისთვის, რეკომენდაციების დაცვა მნიშვნელოვანია.

„ჩვენ გვსურს და ყველაფერს ვაკეთებთ, რათა ამ დონის ეპიდსიტუაცია ქვეყანაში შევინარჩუნოთ, რათა „არ გაგქვეცეს“ ხელიდან. ამისთვის ყველაფერი კეთდება თქვენთან ერთად. ამიტომ იყო მომართვა, რომ არ უნდა მოვეშვათ, არ უნდა დავიჯეროთ, რომ კოვიდი დავამარცხეთ. მესმის, რომ მოსაბეზრებელია ერთი და იგივეს გამეორება, რომ პირბადე, დისტანცია, ხელების ხშირი დაბანა, მაგრამ საჭიროა ხშირად გავახსენოთ მოსახლეობას, რომ ეს არის მთავარი იარაღი“, – განაცხადა გამყრელიძემ.

[sknews.ge]