‘აპრილის ბოლოს 1000-1200- ის ფარგლებში ველოდებით’ - გამყრელიძე

დღეს, შვიდ აპრილს გამყრელიძემ ჟურნალისტების მიერ დასმულ კითხვებს უპასუხა. მისი თქმით, თვის ბოლოს კორონავირუსით ინფიცირებულთა რიცხვმა შესაძლოა 1200–მდე მოიმატოს.

„უკვე 196 გახდა და ველოდებით რომ ამ კვირის ბოლოს სულ მცირე გაორმაგდება. შემდეგ კიდევ ერთხელ გაორმაგდება აპრილის ბოლოს 1000-1200–ის ფარგლებში ველოდებით. გამოჯანმრთელებულებიც მოიმატებს შესაბამისად და შემდგომ მაისის შუა რიცხვებამდეც. არსებობს სცენარის სამი ვერსია და ყველაზე რთულის დროს აღარ მოგახსენებთ, თუ რამდენი ადამიანი შეიძლება ერთდროულად დაინფიცირდეს ქვეყანაში. ეს ცენარები მოგეხსენებათ არაა იმისთვის გამიზნული რომ საჯაროდ გამოვაქვეყნოთ. არ უნდა ჩავაგდოთ პანიკაში ხალხი, მაგრამ ამავე დროს არ უნდა მივცეთ დამშვიდების საშუალება, ეს ოქროს შუალედი ყველაზე რთული მოსაძებნია“,-ამბობს გამყრელიძე.

მისივე განმარტებით, აპრილის ბოლო და მაისის პირველი ნახევარი რთული იქნება და ყველა ფრთხილად უნდა ვიყოთ, რადგან ინფიცირების ციფრები სერიოზულად მოიმატებს.

„მე ხშირად ვიმეორებ რომ ჩვენ ძალიან ფრთხილად უნდა ვიყოთ იმიტომ რომ, რთული იქნება აპრილი და რთული იქნება მაისი, განსაკუთრებით პირველი ნახევარი, ეს ციფრები სერიოზულად მოიმატებს, მერე შესაბამისად იანგარიშეთ 20% მძიმე ავადმყოფები, 5% კი კრიტიკული ავადმყოფები იქნებიან“, – განაცხადა გამყრელიძემ.

[sknews.ge]