‘მთელი მოსავალი განადგურდა’ – სტიქია ახალციხეში [ფოტო]

ადგილობრივები ამბობენ რომ სეტყვა დაახლოებით ნახევარ საათს გრძელდებოდა.

„100%–ით განადგურებულია ყველაფერი რაც კი გვეთესა, არ არის საუბარი ნაწილობრივ ზიანზე. მთლიანად განადგურდა ხეხილიც, ბოსტანიც. წელს იმდენი ვიშრომე, ყველაფერი მეთესა: კარტოფილი, სიმინდი ლობიო, ხახვი კიტრი, პომიდორი.. საერთოდ აღარაფერი დარჩა", – ამბობს სოფელ წნისში მცხოვრები, ბიძინა გოგოლაძე.

სტიქიის ზონების დათვალიერება და ზარალის აღწერა უკვე დაიწყეს ადგილობრივ თვითმმართველობაში.

„სახურავები ვისაც დაუზიანდა პირველ რიგში იმათ დავეხმარებით. ყველას სახლში მივდივართ და ვათვალიერებთ. რამდენიმეგან სახლის სახურავებია დაზიანებული. დანარჩენის აღწერაც დავიწყეთ", – ამბობს ახალციხის საკრებულოს თავმჯდომარე, გელა ნოზაძე.













წნისის გარდა ძლიერი სეტყვა იყო სოფელ სვირში, ბოგასა და მუგარეთში.

[რობი ზარიძე, ახალციხე]