'ლელო საქართველოსთვის' ახალციხის რაიონული ორგანიზაცია დაფუძნდა

კამპანიის "ახალი ძალა, ახალი იმედი" ფარგლებში ადგილობრივ მოსახლეობას პარტიის თავმჯდომარე მამუკა ხაზარაძე და პარტიის ლიდერები - კახა კოჟორიძე, სოფიო შამანიდი და თაზო დათუნაშვილი შეხვდნენ.

მამუკა ხაზარაძემ ახალციხის რაიონული ორგანიზაციის ხელმძღვანელად ჯუმბერ ინასარიძე წარადგინა. დღეს შეხვედრები გაიმართა ვალესა და სოფელ წყრუთში.

„ჩვენ გვაქვს სამშობლო, მაგრამ არ გვაქვს სახელმწიფო და რა უშლის ხელს ისეთ მდიდარ მხარეს, როგორიც სამცხე ჯავახეთია. უმუშევრობამ და სიღარიბემ შეგვჭამა, რა დაგვემართა ასეთი ქართველებს, სომხებს, ბერძნებს, უკრაინელებს, რუსებს.

ეს ის მიწაა, სადაც დიდმა მელექსემ XII საუკუნეში უზარმაზარი განძი დაგვიტოვა, რომლის მსგავსი მსოფლიოში არავის შეუქმნია. ეს ის მიწაა, სადაც ჩვენს სახელმწიფოებრიობას ჩაეყარა საფუძველი. ამ ძლიერ საფუძველზე უნდა დავაშენოთ ჩვენი ძლიერი და ახალი საქართველო.
ახალციხელებო, მოგიწოდებთ, გამოდით, გარეთ გამოდით და უარი თქვით იმაზე, რასაც ჰქვია სიღარიბე, უმუშევრობა. ჩვენ ვიცით, როგორ დავამარცხოთ ეს - ჩვენ უნდა გავერთიანდეთ“ - ამ სიტყვებით მიმართა ადგილობრივებს მამუკა ხაზარაძემ

[sknews.ge]