„ოცნება“ მესხეთში რაიონული ორგანიზაციის თავმჯდომარეებს ირჩევს

მესხეთში „ქართული ოცნების“ რაიონული ორგანიზაციის ხელმძღვანელის არჩევა ბორჯომიდან დაიწყეს. შეხვედრა ბორჯომში ამ წუთებში მიმდინარეობს.

ორგანიზაციის თავმჯდომარის პოსტზე ერთადერთ კანდიდატურდ, ბორჯომის მუნიციპალიტეტის გამგებელი დიმიტრი ყიფიანია დასახელებული.

ბორჯომის შემდეგ შეხვედრა 16:00 საათზე დაბა ასპინძაშია დაგეგმილი. აქ რაიონული ორგანიზაციის ხელმძღვანელად, დაუდასტურებელი ინფორმაციით, საკრებულოს თავმჯდომარე მამუკა მელიქიძე უნდა აირჩიონ, თუმცა ამ საკითხთან დაკავშირებით შეხვედრის დაწყემაბდე კომენტარს არ აკეთებენ.

ადიგენში ორგანიზაციის თავმჯდომარედ მუნიციპალიტეტის გამგებელი ზაქარია ენდელაძე განიხილება. დაბაში შეხვედრა 18:00 საათზეა ჩატარდება.
როდის აირჩევს „ოცნება“ ახალციხეში რაიონული ორგანიზაციის თავმდომარეს უცნობია. დღევანდელი შეხვედრები მედიისთვის დახურულია.

[თინათინ ზაზაძე, ახალციხე]