13 ივნისის ტრაგედიიდან 5 წელი გავიდა

2015 წლის 13 ივნისს, საღამოს მდინარე ვერეს ადიდება ბეთანიის გზაზე წარმოქმნილმა მეწყერმა გამოწვია, შედეგად დაიტბორა ვაკე-საბურთალოს გზა, თბილისის ზოოპარკი, გმირთა მოედანი. ზოოპარკიდან გაიქცნენ ცხოველები.

სტიქიის ეპიცენტრები იყო: სვანიძის ქუჩა, ასევე ვერეს ხეობაზე გამავალი გზა, ზოოპარკი და მზიური. განადგურდა ​საცხოვრებელი სახლები, გზები, ხიდები, გვირაბები, საყრდენი კედლები, საკომუნიკაციო სისტემები.

მთლიანად დაიტბორა „მზიურისა“ და ზოოპარკის ტერიტორია. ცხოველების ნაწილი დაიღუპა, ნაწილი კი ქალაქში გაიქცა. თბილისის ქუჩებში 5 ლომი, 6 ვეფხვი, 6 დათვი, 13 მგელი და ერთი ბეჰემოტი აღმოჩნდნენ.

აღნიშნულ თარიღთან დაკავშირებით, 11:30 საათზე საქართველოს პრემიერ-მინისტრი გიორგი გახარია 13 ივნისის მემორიალთან მივა.



[sknews.ge]