წყალთბილაში საცხოვრებელი სახლები დაიტბორა

დღეს, 22 მაისს დაახლოებით 15:00 საათზე მოსული ძლიერი წვიმის შედეგად, სოფელ წყალთბილაში მდინარე ადიდდა და ადგილობრივების საცხოვრებელი სახლების პირველი სართულები დატბორა. დაზიანებულია დასახლებებში არსებული ინფრასტრუქტურა და სავაჭრო ობიექტიც. წყლის დიდი ნიაღვარი ამ დრომდე სავალ გზაზე გადმოდის.

დღესვე წყალთბილის მიმდებარე სოფლების, ზემო და ქვემო სხვილისის, ასევე "მეორე შახტის" მცხოვრებლების სასოფლო–სამეურნეო სავარგულები დაიტბორა.

დაზიანებულია ცენტრალურ გზასთან დამაკავშირებელი ხიდიც.

"სამხრეთის კარიბჭეს" ჟურნალისტი, თინათინ ზაზაძე იმყოფება სოფელ წყალთბილაში. როგორც იგი ამბობს, ამ წუთებში [18:00] სოფელში კვლავ ძლიერად წვიმს.






ახალციხის სოფლებში რამდენიმე ჰექტარი მიწის ნაკვეთი დაიტბორა

წყალდიდობა ახალციხის სოფლებში

[sknews.ge]