თბილისის ზოოპარკში თეთრი ლომის სამი ბოკვერი დაიბადა [Photo]

„კლეოპატრას მშობიარობა გაურთულდა, კარგა ხანს გვანერვიულა. თანაც, ლომის მშობიარობა ხუმრობა საქმე ხომ არაა - ვერც ბებიაქალს მიახმარებ, ვერც აუხსნი, როდის რა გააკეთოს, ვერც პატარების გამოსაყვანად შეხვალ... მშობიარობა მოსალოდნელზე დიდხანს გაგრძელდა. ბოლოს ჩვენმა ვეტექიმებმა იყოჩაღეს და აგერ - შედეგიც სახეზეა. კლეოპატრაც და ბოკვერებიც კარგად გრძნობენ თავს. დედა მონდომებით იცავს შვილებს. ვოლიერს რომ უახლოვდები, ქუხს და გრგვინავს გალომებული (აფთარი რომ ყოფილიყო, გააფთრებულს დავწერდით). ისინი კიდევ, ციცქნები, დაღოღავენ დედის უკან და პატარა პირებს სასაცილოდ აფჩენენ დამთქნარებისას“, - ვკითხულობთ ზოოპარკის ფეისბუქის გვერდზე.

შეგახსენებთ, გასული 2015 წლის 13 ივნისს, თბილისში მომხდარი სტიქიის დროს, ზოოპარკი დაიტბორა, ცხოველების ნაწილი დაიხრჩო, ნაწილი გაიქცა, რამდენიმე კი მოკლეს, იმის გამო, რომ თბილისის ქუჩებში დადიოდნენ და ადამიანებისთვის საფრთხეს წარმოადგენდნენ.







[sknews.ge]