13 ივნისის ტრაგედიიდან ერთი წელი გავიდა

შეგახსენებთ, გასული წლის 13 ივნისს, საღამოს ძლიერმა წვიმამ მდინარე ვერეს ადიდება გამოიწვია, შედეგად დაიტბორა ვაკე-საბურთალოს გზა, თბილისის ზოოპარკი, გმირთა მოედანი. ზოოპარკიდან გაიქცნენ ცხოველები, წყნეთი-ბეთანიის გზაზე ჩამოწვა მეწყერი

სტიქიის ეპიცენტრები იყო: სვანიძის ქუჩა, ასევე ვერეს ხეობაზე გამავალი გზა, ზოოპარკი და მზიური.

წყალდიდობამ თითქმის მთლიანად გაანადგურა თბილისის ზოოპარკი. ცხოველების ნაწილი დაიღუპა, ნაწილმა კი ქალაქში გაიქცა. თბილისის ქუჩებში 5 ლომი, 6 ვეფხვი, 6 დათვი, 13 მგელი და ერთი ბეჰემოტი აღმოჩნდნენ.

საქართველოს პრემიერ-მინისტრმა გიორგი კვირიკაშვილმა მთავრობის დღევანდელი სხდომა 13 ივნისის ტრაგედიის გახსენებით დაიწყო და განაცხადა, რომ 13 ივნისის სტიქიის შედეგად დაზიანებული ინფრასტრუქტურის აღსადგენად 40 მილიონ ლარზე მეტი დაიხარჯა.

[sknews.ge]