სტიქია ბორჯომში

ბორჯომის მერიაში გვითხრეს რომ, ძირითადი დაზიანებები ბორჯომის ახალ უბანსა და ლიკანის დასახლებაშია.

„ქალაქ ბორჯომში ძლიერი სეტყვა და ქარი იყო რამაც მოტეხა ხეები, დაზიანდა რამდენიმე კერძო მანქანაც. ძლიერმა ქარმა ნაწილობრივ გადახადა სახურავი დაახლოებით ოთხ კორპუსს", – გვითხრა ბორჯომის მერის მოადგილემ, ბუბა ბერიძემ.

ბორჯომის მერის მოადგილის ინფორმაციით ამ ეტაპზეც მიმდინარეობს ინფორმაციის მიწოდება თუ კიდევ სადაა დაზიანებები.

ბუბა ბერიძე ამბობს, რომ კორპუსების გადახურვა უკვე მიმდინარეობს.

„უკვე ჩვენი ძალებით, სპეციალური მასალებით მოხდა გადახურვა. უახლოეს დღეებში, უკვე ხვალიდან მოხდება ამ დაზიანებების გამოსწორება“,- განაცხადა ბორჯომის მერის მოადგილემ.

[მარიამ ბარძიმაძე,ბორჯომი]