ბორჯომის ბაღებში 158 აღსაზრდელი დარეგისტრირდა

ბორჯომში არსებულ 11 საბავშვო ბაღში პირველი ივლისიდან 12-ის ჩათლით სულ 158 ბავშვი დარეგისტრირდა, მათგან 112 ქალაქ ბორჯომის ოთხ საბავშვო ბაღში.

ბორჯომის ბაღების გაერთანების ხელმძღვანელის, ნინო ბენდელიანის თქმით, მიმდინარე წელს მათ ბაღი სასკოლო ასაკის 285-მა აღსაზრდელმა დატოვა, ამიტომ თავისუფალი ადგილების პრობლემა არ აქვთ. მათ ვინც პირველ ეტაპზე დარეგისტრირება ვერ მოახერხეს, სექტემბერში მეორე ეტაპზე შეძლებენ.

სასწავლო პროცესის დაწყებამდე საჭიროა შემდეგი დოკუმენტების მიტანა:

▶ცნობა საცხოვრებელი ადგილის შესახებ;

▶ ჯანმრთელობის დამადასტურებელი დოკუმენტი (ფორმა–100, რომელშიც ასევე იქნება ინფორმაცია ჩატარებული აცრების შესახებ);

▶ ბავშვის დაბადების და მშობლების პირადობის მოწმობების ასლები;

▶ ბავშვის ფოტო-სურათი.

ბენდელიანის განმარტებით, იმ შემთხვევაში თუ აღსაზრდელს რაიმე სტატუსი აქვს, მაგალითად: არის შშმ პირი, ან სოციალურად დაუცველი ან დევნილი საჭიროა ამის დამადასტურებელი ცნობაც.

[მარიამ ბარძიმაძე, ბორჯომი]