ბოჭორიშვილის კლინიკაში ექვსი ახალი პაციენტიდან ერთის მდგომარეობა მძიმეა

ბოჭორიშვილის კლინიკის სამეთვალყურეო საბჭოს ხელმძღვანელის მაკა სოლოღაშვილის განმარტებით, ბოლო 24 საათში კლინიკას ექვსი ახალი შემთხვევა დაემატა, რომლბიც ბოლნისის კლასტერიდან და საკარანტინო სივრცეებიდან არიან.

„კლინიკაში სულ 43 დადასტურებული შემთხვევაა, აქედან ორი პაციენტი მკურნალობს რეანიმაციულ განყოფილებაში. მათი მდგომარეობა ფასდება მძიმედ. ბოლო 24 საათში მივიღეთ ექვსი ახალი პაციენტი ბოლნისის კლასტერიდან და კარანტინის სივრციდან. ახალი პაციენტებიდან ყველას მდგომარეობა დამაკმაყოფილებელია, გრდა ერთისა, რომელიც შემოსვლისთანავე გადავიდა რეანიმაციულ პალატაში“, – ამბობს სოლოღაშილი.

მისივე თქმით, გამოჯანმრთელებას ოთხი პაციენტი ელოდება. მათ შორის, ერთი არასრულწლოვანია.

კლინიკაში სულ კორონავირუსით ინფიცირებული 43 პაციენტი მკურნალობს, აქედან 10 მოზარდია.

18 მაისის 10:45 საათის მონამცემებით stopcov.ge- ზე ასე გამოიყურება:

• კორონავირუსის დადასტურებული შემთხვევა - 701
* მათ შორის გამოჯანმრთელებული - 432
* მათ შორის გარდაცვლილი – 12
• კარანტინის რეჟიმში - 3 890
• სტაციონარში მეთვალყურეობის ქვეშ - 357
* უცხოეთიდან სამკურნალოდ გადმოყვანილი საქართველოს მოქალაქეები- 3

ცნობისთვის საქართველოში კორონავირუსის შემთხვევა პირველად 26 თებერვალს დაფიქსირდა.

[ნუკა სტეფნაძე]