ბოჭორიშვილის კლინიკაში კორონავირუსზე 12 არასრულწლოვანი მკურნალობს

"ბოქსირებულ სექტორში არის 84 პაციენტი. Covid-19-ის დიაგნოზის მქონე არის 67. 18 წლამდე ასაკის პირი 12-ია. 11 პაციენტის მდგომარეობა არის საყურადღებო და ერთი პაციენტი რჩება რეანიმაციაში. ეს პაციენტი კვირაზე მეტია მძიმეა, მაგრამ არის სტაბილურად მძიმე. გუშინ გვქონდა ერთი პაციენტის გამოჯანმრთელება. ასაკობრივად მაღალი რისკის მქონე 3 პაციენტი გვყავს", - განაცხადა ვახტანგ ბოჭორიშვილის სახელობის კლინიკის სამეთვალყურეო საბჭოს თავმჯდომარე მაკა სოლოღაშვილმა.

მისი თქმით, პირველი მაისის შემდეგ, კლინიკას შვიდი ახალი პაციენტი დაემატა.

10:55 საათის მონაცემებით, საქართველოში კორონავირუსით ინფიცირების 593 შემთხვევაა გამოვლენილი, აქედან 223 გამოჯანმრთელდა, ცხრა გაირდაიცვალა. კარანტინის რეჟიმშია 5 028, ხოლო სტაცინარში მეთვალყურეობის ქვეშ 537.

[sknews.ge]