‘ინფიცირებული სასულიერო პირის მდგომარეობა საყურადღებოა’ – ბოჭორიშვილის კლინიკა

„ჩვენს კლინიკაში ცხრა პაციენტიდან ორს, ორმხრივი პნევმონია აქვს, ხოლო დანარჩენი პაციენტების მდგომარება სტაბილურია. სასულიერო პირის მდგომარეობა საყურადღებოა, ხოლო დისშვილის დამაკმაყოფილებელი“,–განაცხადა მაკა სოლოღაშვილმა.

როგორც, სოლოღაშვილმა აღნიშნა, მათ კლინიკას კიდევ ერთი პაციენტი დაემატა, რომელიც „ინფიცირებულია შიდა გადაცემით“.

სასულიერო პირი, რომელსაც კორონავირუსი დაუდასტურდა, ბოჭორიშვილის სახელობის კლინიკაში გუშინ შეიყვანეს. მღვდელმა წმ. იოანე ღვთისმეტყველის სახელობის ტაძარში მსახურება რამდენიმე დღის წინ, ხარების დღესასწაულზე, სხვა სასულიერო პირებთან ერთად აღავლინადა ეზიარა.

15 აპრილის 10:50 საათის მდგომარეობის stopcov.ge-ზე მონაცემები ასეთია:

•კორონავირუსის დადასტურებული შემთხვევა - 306:
* მათ შორის გამოჯანმრთელებული - 69
* მათ შორის გარდაცვლილი- 3
* კარანტინის რეჟიმში - 4 990
* სტაციონარში მეთვალყურეობის ქვეშ - 462
* უცხოეთიდან სამკურნალოდ გადმოყვანილი საქართველოს მოქალაქეები- 3

საქართველოში კორონავირუსის პირველი შემთხვევა 26 თებერვალს დაფიქსირდა.

[ნუკა სტეფნაძე, ახალციხე]