ინფექციურ საავადმყოფოში კორონავირუსით ინფიცირებული 6 წლის ბავშვი შეიყვანეს

კლინიკის სამედიცინო დირექტორის, მარინა ეზუგბაიას განცხადებით, ინფიცირებული ბავვშვები ქობულეთიდან არიან.

„ჩვენთან ამ ეტაპზე 39 პაციენტია. ღამით ერთი ექვსი წლის ბავშვი გადმოყვანეს ქობულეთიდან. ახლა ჩვენს კლინიკაში ექვსი არასრულწლოვანი მკურნალობს. ექვსივეს მდგომარეობა სტაბილურია და დამაკმაყოფილებელი. არასრულწლოვნები ყველა ქობულეთის კლასტერია, ბოლოს მიღებული ბავშვის ოჯახის წევრებიც ჩვენთან არიან“,–განაცხადა ეზუგბამიამ.

როგორც ეზუგბაიამ აღნიშნა, 24 საათის განმავლობაში მათ კლინიკაში გამოჯანმრთელებულების რაოდენობა ხუთით გაიზარდა. მათ კლინიკაში ამ დრომდე ორი მძიმე პაციენტი რჩება.

17 აპრილის 11:10 საათის მონამცემებით stopcov.ge- ზე ასე გამოიყურება:

• კორონავირუსის დადასტურებული შემთხვევა - 370
* მათ შორის გამოჯანმრთელებული - 77
* მათ შორის გარდაცვლილი- 3
* კარანტინის რეჟიმში - 5 035
* სტაციონარში მეთვალყურეობის ქვეშ - 540
* უცხოეთიდან სამკურნალოდ გადმოყვანილი საქართველოს მოქალაქეები- 3

საქართველოში კორონავირუსის შემთხვევა პირველად 26 თებერვალს დაფიქსირდა.

[ნუკა სტეფნაძე, ახალციხე]