ახალციხეში მუსლიმ მესხთა დეპორტაციის 69-ე წლისთავისადმი მიძღვნილი ღონისძიებები გაიმართება

მაჰმადიან მესხთა დეპორტაციის 69 წლისთავისადმი მიძღვნილ ღონისძიება „ახალციხის დემოკრატიული ჩართულობის ცენტრში, 15 ნოემბერს 14:00 საათზეა დაგეგმილი. მას ადგილობრივი თვითმმართველობის, არასამთავრობო სექტორისა და მედიის წარმომადგენლები დაესწრებიან. ღონისძიებაზე იქნებიან მაჰმადიანი მესხები.

„69 წლის წინ, 1944 წლის 15-16 ნოემბერს სამცხე-ჯავახეთიდან დეპორტაცია მოხდა. ჩვენ, როგორც არასამთავრობო ორგანიზაცია „ტოლერანტი“ და როგორც ამ თემაზე მომუშავე ორგანიზაცია ვალდებულები ვართ, რომ კიდევ ერთხელ გავახსენოთ საზოგადოებას, რას ნიშნავს ტოლერანტობა და რას ნიშნავს დეპორტაცია. კიდევ ერთხელ შევახსენოთ საზოგადოებას დეპორტაციის პროცესი, რატომ იყო საშინელი 15-16 ნოემბრის ცივი დღეები დაახლოებით 100 ათასი კაცისთვის“, - ამბობს სამცხე-ჯავახეთის რეგიონული ასოციაცია ტოლერანტის თავმჯდომარე ცირა მესხიშვილი.

ღონისძიებაზე ნაჩვენები იქნება ევროკავშირის მიერ დაფინასებული პროექტის "დეპორტირებულთა ჰუმანიტარული დახმარება, თვითრეპატრიაციის პრევენცია“, ფარგლებში გადაღებული ფილმი „სამშობლო, რომელიც შორია“. ასევე, მაჰმადიანი მესხების ყოველდღიური ცხოვრების ამსახველი ფოტოების გამოფენაც მოეწყობა. ფილმის ჩვენების შემდეგ კი დისკუსია გაიმართება.

„შეხევდრის ერთ-ერთი მიზანია, რომ ადგილობრივი ხელისუფლება დავაინტერესოთ ამ თემით, რომ ჩვენთან უკვე არიან რეპატრირებულები, ცხოვრებენ აქ და რამენაირად შევძლოთ იმ პრობლემების მოგვარება, რომელიც ამ ადამიანებს აწუხებთ“, - ამბობს ცირა მესხიშვილი.

[თამარ თოთაძე, ახალციხე]