ფაშიზმზე გამარჯვების დღე ახალციხეში მემორიალთან არ აღინიშნება

ფოტო არქივი - 2019

გამარჯვებიდან 75 წლის შემდეგ, ახალციხეში ხუთი ვეტერანია:

98 წლის მისაკ ავეტისიანი, სოფელ წყალთბილაში;

98 წლის სააკ მიქელიანი, ქალაქ ახალციხეში;

97 წლის დავით გოჩაშვილი, სოფელ აწყურში;

96 წლის ვართან გუკასიანი, ქალაქ ახალციხეში;

94 წლის ნესტორ ოქრომელიძე, სოფელ მუსხში.

ხუთივე მათგანს, ახალცხიის მერია ფულად თანხას 700 ლარის ოდენობით ჩაურიცხავს: „შექმნილი მდგომარეობის გამო, მემორალთან არ მივდივართ. ვეტერანებს თანხა ჩაერიცხათ და სასურსათო პაკეტებს მიუტანენ ადგილზე მერიის თანამშრომლები“, - აცხადებენ ახალციხიე მერიაში.

ვეტერანთა კავშირის ინფორმაციით, 2020 წელს, სამცხე-ჯავახეთში სულ 16 ვეტერანია. მათგან:

ახალციხეში - 5, გადაეცემათ 700 ლარი და სასურსათო პაკეტი;

ახალქალაქში – 4 , გადაეცემათ 500 ლარი;

ნინოწმინდაში – 1, გადაეცემა 1000 ლარი;

ბორჯომში – 6 , გადაეცემათ 300 ლარი და სასურსათე პაკეტი.

მეორე მსოფლიო ომში საქართველოდან სულ 700 000 ათასი მებრძოლი მონაწილეობდა. სამცხე-ჯავახეთიდან 44 730 ადამიანი გაიწვიეს.

[თაკო ფეიქრიშვილი, ახალციხე]