ფაშიზმზე გამარჯვების დღე ახალციხეში [ფოტო/ვიდეო]

ახალციხეში, ცხრა მაისი, ფაშიზმზე გამარჯვების 74–ე წლისთავი ტრადიციული ღონისძიებით, თამარაშვილის ქუჩაზე მემორიალის ყვავილებით შემკობითა და ვეტერანების დასაჩუქრებით აღნიშნეს.



დღევანდელ ღონისძიებას, ახალციხეში მცხოვრები სამი ვეტერანი, 99 წლის საკ მიქაელიანი, 95 წლის ვართან ქუმასიანი და 95 წლის ზურაბ პაპუაშვილი დაესწრო.










ღონისძიებაში მონწილეობას ადგილობრივი ცეკვისა და სიმღერის ანსამბლები იღებდნენ.

ფაშიზმზე გამარჯვების დღე ვეტერანებს მიულოცეს ადგილობრივი თვითმართველობისა და სამხარეო ადმინისტრაციის პირველმა პირებმა, ასევე ახალციხე–ადიგენის მაჟორიტარმა დეპუტატმა.

ახალციხის მუნიციპალიტეტში მცოხვრებ ცხრა ვეტერანს, მათ შორის გამთენიისას გარდაცვლილ ალექსანდრე პეტრიაშვილს 700 ლარი ჩაურიცხა ახალციხის მერიამ, გარდა ამისა მათ საჩუქრებიც გადასცეს.

საქართველოს მთავრობამ კი ქვეყნის მასშტაბით მცოხვრებ ვეტერანებს 600, გარდაცვლილთა ოჯახებს კი 300 ლარის ოდენობით თანხა გადასვა. ვეტერანებმა პრემიერ –მინისტრის მისალოცი ბარათებიც მიიღეს.

დღეს, სამცხე–ჯავახეთში, 28 ომის ვეტერანია, აქედან ახალციხეში რვა, ბორჯომში ათი, ახალქლაქში ექვსი, ასპინძაში ორი და თითო–თითო ნინოწმინდასა და ადიგენში. მიმდინარე წელს რეგიონში სამი მეორე მსოფლიო ომის ვეტერანი გარდაიცვალა.













მეორე მსოფლიო ომში საქართველოდან სულ 700 000 ათასი მებრძოლი მონაწილეობდა. სამცხე-ჯავახეთიდან 44 730 ადამიანი გაიწვიეს.

[ლუბა გიორგაძე, ოთარ აწყურელი–ახალციხე]