ხალხმრავლობის გამო დაკისრებული ჯარიმა ახალციხის ბაზრის ადმინისტრაციამ სასამართლოში გაასაჩივრა

„დილიდან ვცდილობდით პოლიციასთან ერთად ნაკადის დარეგულირებას, ყველა ჩანაწერი გვაქვს რასაც სასამართლოზე წარვადგენთ და იმედია სწორი გადაწყვეტილება იქნება მიღებული“ –გვითხრა ვახტანგ ქართველიშვილმა.

მისივე თქმით სასამართლო 5 მაისს იყო ჩანიშნული, თუმცა საგანგებო მდგომარეობის გადავადების გამო, 29 მაისამდე გადაიწია.

ახალციხის ბაზრის ადმინისტრაცია 29 მარტს, ტერიტორიაზე საგანგებო მდგომარეობის წესების დარღვევის გამო, 15 000 ლარით დაჯარიმდა.

მას შემდეგ გარკვეული პერიოდი ბაზარი არ ფუნქციონირებდა. სრული დატვირთვით მუშაობა გუშინ, 5 მაისს განაახლა.

[რობი ზარიძე, ახალციხე]