‘თუ უარყოფითი პასუხები მოვიდა 16 პაციენტი დატოვებს კლინიკას’ - რატიანი

28 აპრილის მონაცემებით, პირველ საუნივერსიტეტო კლინიკაში 105 პაციენტია, აქედან 86 ინფიცირებული.

„დღეს ეწერება ერთი პაციენტი, გუშინ გაგზავნილი იყო რამდენიმე ათეული და მოვიდა უარყოფითი პირველადი, გაგზავნილია დღეს მეორადი და ველოდებით პასუხებს, თუ უარყოფითი მოვიდა 15-16 პაციენტი დატოვებს კლინიკას“, - აცხადებს რატიანი.

მისივე თქმით, ამ დროისათვის რეანიმაციაში რვა პაციენტია - „ყველას მდგომარეობა ამ ეტაპზე, უარყოფითი კლინიკის გარეშეა. იცით, რომ გვყავდა პაციენტი , რომელიც იყო კრიტიკულ სიტუაციაში და რჩება მართვით სუნთქვაზე, მაგრამ გემოდინამიკას ინარჩუნებს და იმედია გაუმჯობესდება მისი ვიტალური პარამეტრები. დანარჩენი პაციენტები იმყოფებიან განყოფილებებში, არცერთთნ გართულება არ ვლინდება“.

კლინიკაში ახალი შემთხვევა არ დაფიქსირებულა. 27 აპრილს, დაწესებულების თანამშრომლებს მასობრივი ტესტირება ჩაუტარდათ PCR მეთოდით და არა ანტისხეულებით, არცერთი შემთხვევა დადებითი არ აღმოჩნდა.

[თაკო ფეიქრიშვილი]