COVID-19: პირველ საუნივერსიტეტო კლინიკას 9 გამოჯანმრთელებული დატოვებს

რატიანის განმარტებით, კორონავირუსით ინფიცირებულ პაციენტებში, დადებითი დინამიკა შეინიშნება.

„რეანიმაციაში მყოფი რვა პაციენტიდან, ექვსი ხელოვნურ ვენტილაციაზეა, ორი სპონტანურ სუნთქვაზეა. მათი მდგომარეობა ამ ეტაპზე რჩება სტაბილური. ყველა მათგანი უარყოფითი კლინიკის გარეშეა, ზოგიერთ მათგანთან გამოხატულია დადებითი დინამიკა, ეს იმით გამოვლინდება, რომ გამარტივებულია ფილტვის ხელოვნური ვენტილაცია და მზადდებიან აპარატიდან მოხსნისთვის. იმედია რომ ეს მალე მოხდება“, – განაცხადა ჟურნალისტებთან ლევან რატიანმა.

მისი თქმით, კლინიკაში მიიღეს კიდევ ერთი პაციენტი, რომელსაც კორონავირუსის სიმპტომები აქვს: „ამ ეტაპზე მისი მდგომარეობა სტაბილურია, ველოდებით კოვიდ–19– ის პასუხს და იმის მიხევით გადაწყდება“.

დღეის მდგომარეობით კლინიკაში 106 პაციენტია, მათგან კოვიდინფიცირებული 81.

[მარიამ ბარძიმაძე]