პირველ საუნივერსიტეტო კლინიკას კიდევ 5 გამოჯანმრთელებული პაციენტი დატოვებს

დღეის მდგომარეობით პირველ საუნივერსიტეტო კლინიკაში კორონავირუსზე 83 პაციენტი მკურნალობს. განმეორებითი ტესტის უარყოფითი პასუხის შემდეგ, კლინიკას კიდევ ხუთი გამოჯანმრთელებული დატოვებს.

ლევან რატიანმა აღნიშნა, რომ მათთან შაქრიანი დიაბეტით დაავადებული 82 წლის ქალის მდომარეობა შედარებით უკეთესია და ის აპარატიდან მოხსნეს.

„პაციენტი, რომელიც გვყავს 82 წლის, არის შაქრიანი დიაბეტის გართულებული პრობლემებით. მინდა გითხრათ რომ იგი მოიხსნა აპარატიდან და არის კონტაქტური. გემოდინამიკა სუნთქვის პარამეტრები არის სტაბილური. ამ ქალბატონს აქვს ბოლო 30 წელია შაქრიანი დიაბეტი იმყოფება ინსულინთერაპიაზე, კიდევ ერთი მაგალითი იმისა რომ შაქრიანი დიაბეტი გართულებული სხვადასხვა ფორმებით არ წარმოადგენს მაღალ ლეტალობის ინდექსს“, - განაცხადა რატიანმა.

მისი თქმით, კლინიკას ორი ახალი პაციენტი დაემატა, ჩატარებული გამოკვლევებით არცერთს პათოლოგიური დაზიანების კერა არ გამოუვლინდა.

30 აპრილის მონაცემებით ქვეყანაში კორონავირუსის 539 დადასტურებული შემთხვევაა.

[მარიამ ბარძიმაძე]