Covid–19 – ზე მასობრივი ტესტირება მოხუცთა თავშესაფრებსა და პანსიონატებში ჩატარდება

„მივიღეთ გადაწყვეტილება, რომ მოწყვლადი ჯგუფები - მოხუცებულთა თავშესაფრები და ისეთი პანსიონატები, სადაც არიან მოთავსებული შშმ პირები - როგორც ბავშვები, ასევე ზრდასრულები, ჩაერთვებიან ტესტირებაში, რომ ამ შემთხვევაში მოხდეს მათი დეტალური შესწავლა და არ მოხდეს შემთხვევით ინფექციის გავრცელება“, - განაცხადა ტიკარაძემ.

მინისტრის განმარტებით, ტესტირების დაწყების თარიღი მოგვიანებით გახდება ცნობილი.

ტიკარაძემ ასევე ისაუბრა იმ რისკ ჯგუფებზე, სადაც მიზნობრივი ტესტირება მიმდინარეობს.

„ჩვენ უკვე დავიწყეთ თავდაცვის ძალების ტესტირება, სამღვდელობაში საჭიროების მიხედვით ვატრებთ მიზნობრივ ტესტირებას, ხოლო ჟურნალისტებთან მიმართებაში გარკვეული კლასტერის დაფიქსირების შემთხვევაში იქნება დეტალურად გამოკვლეული ის ჯგუფები, რომლებიც საჭიროებენ კვლევას და რა თქმა უნდა ამ კუთხითაც შფერხებები არ იქნება“, – აღნიშნა ეკატერინე ტიკარაძემ.

ეკატერინე ტიკარაძის განცხადებით, ქვეყანაში უკვე დაწყებულია აგრესიული ტესტირება. ძირითადად ეს ხორციელდება ისეთ რეგიონებში სადაც დაფიქსირდა ინფიცირების დიდი კერა და კლასტერი.

[sknews.ge]