რა შემთხვევაში დაიწყება მოსახლეობის მასობრივი ტესტირება – ჯანდაცვის მინისტრის განმარტება

ჯანდაცვის მინისტრმა, ეკატერინე ტიკარაძემ დღევანდელ ბრიფინგზე განმარტა, რა შემთხვევაში დაიწყება მოსახლეობის მასობრივი ტესტირება კორონავირუსზე.

„ვაკვირდებით სხვა ქვეყნების მაგალითებს, თუ როგორ მართავენ ეფექტურად კორონავირუსის გავრცელებას და შემდეგ მის მკურნალობას. ვიღებთ სხვადასხვა მიმართულებებით გადაწყვეტილებებს. კორეა არის ის ქვეყანა, რომელმაც აგრესიული ტესტირებით მოახდინა ძალიან ბევრი ფაქტის ადრეულ ეტაპზე გამოვლენა და შემდეგ ყოველივე ამის ეფექტური მენეჯმენტი. ჩვენ გავაქვს მოლაპარაკებები კორეასთან და ჩინეთთან სახელმწიფო დონეზე , გვაქვს იმის დამაიმედებელი პასუხები რომ კვირის ბოლოს შეგვეძლება კონკრეტულ რაოდენობაზე საუბარი. ჩვენი საელჩო უზრუნველყოფს ამ ტვირთის ჩამოტანას საქართველოში და საჭიროების შემთხვევაში, როდესაც ჩვენ მოსახლეობაში უკვე დავაფიქსირებთ რამდენიმე უკონტროლო ზრდას გვექნება საშუალება მოვახდინოთ მოსახლეობის მასობრივი ტესტირება“, – განმარტა ტიკარაძემ.

მისი თქმით, აგრესიული ტესტირება არ ნიშნავს იმას, რომ ადრეულ ეტაპზე გამოვლენილი კორონავირუსი მიმდინარეობს უფრო მსუბუქად.

"ეს გულისხმობს ყველა იმ კლასტერის მოცვას და იმის ცოდნას, თუ რომელ ჯგუფში არის გავრცელებული კორონავირუსი, მსგავსი ტესტირებები მიმდინარეობს გრიპის ვირუსზეც და ზოგადად ეს არის მიღებული პრაქტიკა, როდესაც ჩვენ ვაიდენტიფიცირებთ არის თუ არა ქვეყანაში ეპიდებია".

[sknews.ge]