20–მდე ექიმს და შსს–ს რამდენიმე თანამშრომელს კორონავირუსი დაუდასტურდა – ტიკარაძე

ტიკარაძის თქმით, აგრესიული ტესტირების დროს, ვირუსის არცერთი შემთხვევა დაფიქსირებულა ჯარში.

„ზოგადად სიტუაცია ამ ჯგუფებში [ექიმები, პოლიციელები, ჯარისკაცები] არის კონტროლირებადი. ჩვენ დამატებით კიდევ ვმუშაობთ იმ უსაფრთხოების ზომების დანერგვაში და ასევე მიმდინარეობს ტრენინგები ყველა ამ ჯგუფში, რათა ისინი სამომავლოდ იყვნენ კიდევ უფრო დაცული. აღსანიშნავია ის ფაქტი რომ, მათ გადატანილი აქვთ უსიმპტომოდ დაავადება, რაც ასევე ყურადსაღებია, თუმცა პრევენციიდან გამომდინარე, ყველა ის ექიმი, ვინც იყო ინფიცირებული, იმყოფებიან მონიტორინგის ქვეშ, რათა ზუსტად ვიცოდეთ რომ მათი მხრიდან სხვა ადამიანების დაინფიცირების რისკი არ არსებობს“ –განაცხადა ტიკარაძემ.

აგრესიული ტესტირება სხვადასხვა ჯგუფებისთვის აპრილის დასაწყისში დაიწყო და მიზნად ისახავს Covid-19-ის გამოსავლენად ისეთი ჯგუფების ტესტირებას, როგორიცაა თავდაცვის ძალები, ექიმები, პენიტენციურ დაწესებულებებში, ხანდაზმულთა სადღეღამისო სპეციალიზებულ დაწესებულებებში, სტაციონარულ ფსიქიატრიულ დაწესებულებებში მყოფი პირები, საეკლესიო პირები და სხვა.

ამ დროისთვის საქართველოში კორონავირუსის 420 დადასტურებული, 107 გამოჯანმრთელების და 5 გარდაცვალების შემთხვევაა.

[რობი ზარიძე]