‘პრემიერს უნდა მივწეროთ’ - მესხეთის თეატრის მსახიობები დაკლებულ ხელფასს აპროტესტებენ

2020 წელს კულტურის სამინისტომ მესხეთის თეატრი 305 ათასი ლარით დააფინანსა. აქედან 225 ათასი ლარი ხელფასებისთვის, ხოლო 80 ათასი ლარი სადადგმო ხარჯისთვის გაიწერა.

გარდა ამისა, თეატრს ახალციხის მუნიციპალიტეტი 80 ათასი ლარით აფინანსებს. თეატრში ამბობენ, რომ პრობლემა სწორედ ადგილობირივი თვითმმართველობიდან გამოყოფილ თანხასთან დაკავშირებით შეიქმნა.

თეატრის სამხატვრო დასის ხელმძღვანელი, ლია სულუაშვილი ამბობს, რომ თანხა ახალციხის მერიიდან უკვე გამოიყო, თუმცა სახელმწიფო ხაზინამ არ დარიცხა.

„ხაზინაში გადავაგზავნეთ ყველა საჭირო დოკუმენტაცია, ეს თანხა მივუთეთ, როგორც დანამატი და ალბათ ეს სიტყვა არ მოეწონათ. არ ვიცით, დავრეკეთ ფინანსთა სამინისტროში დაგვაკავშირეს ხაზინასთან, მაგრამ ამ დრომდე მათგან პასუხს ველოდებით. ადრეც ჩვეულებრივად ასე ვგზავნიდით და პრობლემა არ ყოფილა. მაგ 80 ათასიდან 40 გვაქვს დარიცხული თუმცა ვერ ვითვისებთ ჯერ. ეს თანხა გავანაწილეთ, როგორც ხელფასებზე, ისე სადადგმო ხარზე“, - ამბობს სულუაშვილი.

მესხეთის თეატრში 56 თანამშრომელია, ადმინისტრაციაში ამბობენ, რომ თვთმმართველობიდან გამოყოფილი თანხა ყველას ხელფასზე ნაწილდებოდა.

[მარიამ ბარძიმაძე,ახალციხე]