ჩემი გადადგომის საკითხი განიხილებოდა ჩემს მიერ და ჩემი გუნდის მიერაც – მერაბიშვილი გირგვლიანის საქმეზე

ამის შესახებ მერაბიშვილმა დღეს, 26 აპრილს, "მთავარი არხის" ეთერში განაცხადა.

„ეს იქცა პოლიტიკოსების პოლიტიკურ საკითხად, ჩვენი ხელისუფლებისთვის, პირადად ჩემთვის, ჩემი მეგობრებისათვის, ხელისუფლების სხვა წარმომადგენლებისათვის იქცა პრობლემად. მე ვთვლი, რომ უნდა ვყოფილიყავი უფრო მტკიცე, უნდა მიმეღო თამამი გადაწყვეტილება თავის დროზე“,– განაცხადა ვანო მერაბიშვილმა.

როგორც, მერაბიშვილმა აღნიშნა მისი გადადგომის საკითხს განიხილავდა თავადაც და მისი პოლიტიკური გუნდის წევრებიც. კითხვაზე თუ რატომ არ გადადგა მერაბიშვილმა უპასუხა.

„ახლა მიჭირს ამაზე საუბარი. ეს საკითხი განიხილებოდა ჩემს მიერაც და ასევე ჩვენს გუნდში. მათ შორის იხილავდა სააკაშვილი და რამდენიმე ადამიანი და პოლიტიკური ხელმძღვანელობა. იყო სხვადასხავ დროს სხვადასხვა მოსაზრებები, მაგრამ მოხდა ისე რომ ეს საკითხი ისე გადაწყდა როგორც გადაწყდა. თუმცა უპირველესად ჩემთვის და ჩემი მეგობრებისთვის ასე იქნებოდა უკეთესი“, – თქვა მერაბიშვილმა.

მერაბიშვილმა ასევე აღნიშნა, რომ როდესაც მან თანამდებობა არ დატოვა არსწორად მოქცა და ამ დასკვნამდე პატიმრობამდე მივიდა ჯერ კიდევ პოლიტიკაში ყოფნის პერიოდში.

ვანო მერაბიშვილი ციხიდან თითქმის შვიდწლიანი პატიმრობის შემდეგ 2020 წლის 20 თებერვალს გაათავისუფლეს. იგი 2013 წლის მაისში მითვისება-გაფლანგვისა და ამომრჩევლის მოსყიდვის ბრალდებით დააკავეს. მოგვიანებით, მას სხვა ბრალდებებიც წაუყენეს — 2011 წლის 26 მაისის აქციისა და სანდრო გირგვლიანის მკვლელობის საქმეებზე უფლებამოსილების გადამეტების მუხლებით. მერაბიშვილი 2014 წელს სასამართლომ დამნაშავედ სცნო და პატიმრობა მიუსაჯა.

2006 წლის დეკემბერში ოქროყანაში 28 წლის სანდრო გირგვლიანი მოკლული იპოვნეს. მისი გარდაცვალების საქმეზე შსს-ს 4 თანამშრომელი გაასამართლეს, რომლებსაც, გამოძიების მიხედვით, გირგვლიანთან ანგარიშსწორება პირადი კონფლიქტის გამო ჰქონდათ.

[ნუკა სტეფნაძე]