ვანო მერაბიშვილი ციხეს 20 თებერვალს დატოვებს

„20 თებერვალს უკვე დატოვებს საპატიმროს. ახალი საქმე მის წინააღმდეგ არ არსებობს გარდა ერთისა, რომელიც არის შვიდი ნოემბრის საქმე. იგი არის განხილვაში და კიდევ დიდი ხანი ვერ დასრულდება. აქ მას უფლებამოსილების გადამეტებას ედავებიან“, - ამბობს მერაბიშვილის ადვოკატი გიორგი ჩივიაშვილი.

ვანო მერაბიშვილი 2013 წლის მაისში დააკავეს. შინაგან საქმეთა ყოფილი მინისტრი სასჯელს რამდენიმე საქმეზე იხდის, მათ შორის, 2011 წლის 26 მაისის აქციის დარბევის, სანდრო გირგვლიანის საქმეზე მტკიცებულებების დამალვის, ვალერი გელაშვილის მიმართ ფიზიკური ანგარიშსწორების, კვარიათის აგარაკისა და ამომრჩევლის მოსყიდვის საქმეებზე.

მერაბიშვილს ექვსი წლითა და ცხრა თვით პატიმრობა შეეფარდა.

[მარიამ ბარძიმაძე, ახალციხე]