სამცხე–ჯავახეთში თვითიზოლაციაში მყოფი პირების რაოდენობა გაიზარდა

თვითიზოლაციაში ყველაზე მეტი, 14 პირი იმყოფება ბორჯომში. შვიდს აკვირდებიან ასპინძაში, ერთია ახალციხეში.

რაც შეეხება ადიგენს, თვითიზოლაციის რეჟიმში აქ ცხრა პირი იმყოფება. ორი დღის წინ მუნიციპალიტეტში თვითიზოლაციაში არავინ ჰყავდათ.

რეგიონის მასშტაბით სავალდებულო კარანტინს 367 პირი გადის, აქედან 71 ახალციხეში სასტუმრო „გრანდ პალასში“ იმყოფება, ხოლო ბაკურიანის ხუთ სასტუმროში კი 296 პირი რჩება.

რაც შეეხება აბასთუმნის ფილტვის ცენტრს, რომელიც საქართველოს მასშტაბით ერთ–ერთი პირველი საკარანტინო ზონა იყო, „ცხელების ცენტრად“ გადაკეთდა.

დღევანდელი მონაცემებით, ქვეყანაში 410 ინფიცირების შემთხვევაა დაფიქსირებული, აქედან 111 გამოჯანმრთელდა, ხუთი გარდაიცვალა. რეგიონში კორონავირუსით ინფიციების პირველი შემთხვევა ბორჯომში, 16 აპრილს დადასტურდა. დღეს ამავე მუნიციპალიტეტის "ცხელების ცენტრში" კორონავირუსი დაუდგინდა კიდევ ერთ ახალგაზრდას, თუმცა ის სამცხე–ჯავახეთიდან არ არის.



[ნუკა, სტეფნაძე, ახალციხე]