'თუ დღეში ასეულს არ გადავაჭარბებთ, ზომიერი მატებით რყევები ქვეყანაში არ გვექნება' – ეზუგბაია

„30 ახალი პაციენტიდან ყველას წყარო არ არის დადგენილი. მიმდინარეობს ეპიდკონტროლი ყველა ახალი დადასტურებული შემთხვევის. ხდება კონტაქტების მოძიება და მათი საკარანტინო სივრცეებში განთავსება. კლინიკის გამოვლენის შემთხვევაში კი ტესტირება და დადასტურების შემთხვევაში დაწესებულებაში სტაციონარში გადაყვანა. ალაბთ ნელ– ნელა ყველა კლასტერი დადგინდება და გარკვეულწილად მოხდა შეჩერება, ლოკალიზაცია მოხდება ამ პროცესის“, – განაცხადა ჟურნალისტებთან მარინა ეზუგბაიამ.

მისი თქმით, დღეში 30 ახალი ინფიცირებული არ არის საგანგაშო მაჩვენებელი.

„ჩვენ უკვე მეორედ გვაქვს დღეში 30 შემთხვევა, თუ ჩვენ ასეულს არ გადავაჭარბებთ იმედია, რომ ამ კონტროლირებადი ზომიერი მატებით, რყევები ქვეყანაში არ გვექნება. ჩვენ ყველამ ერთად უნდა ვიმოქმედოთ, რომ როგორმე დავძლიოთ ეს პრობლემა“.

როგორც ეზუგბაიამ აღნიშნა, მათ კლინიკაში ორი ძალიან მძიმე პაციენტია, შვიდს კი მძიმე პნევმონია აქვს.

„ამ ეტაპზე 37 პაციენტია ჩვენს კლინიკაში. ორი ძალიან მძიმე პაციენტი გვრჩება. ასევე გვყავს შვიდი მძიმე პნევმონით. ამ ორ მძიმე პაცენტთან სტაბილურობა შეიმჩნევა უკვე სამი დღეა და ალაბათ ძალიან მძიმე პაციენტების სტატუსიდან გადმოვლენ. რაც შეეხება არასრულწლოვნებს მათი მდგომარეობა შემოყვანიდან დღემდე სტაბილურია“.

მარინა ეზუგბაიამ კიდევ ერთხელ მოუწოდა საზოგადოებას, რომ კორონავირუსის პრევენციის მიზნით, ქვეყანაში არსებულ ყველა შეზღუდვას დაემორჩილონ.

15 აპრილის 11:20 საათის მონამცემებით stopcov.ge- ზე ასეთია:

• კორონავირუსის დადასტურებული შემთხვევა - 336:
* მათ შორის გამოჯანმრთელებული - 74
* მათ შორის გარდაცვლილი- 3
* კარანტინის რეჟიმში - 5 000
* სტაციონარში მეთვალყურეობის ქვეშ - 494
* უცხოეთიდან სამკურნალოდ გადმოყვანილი საქართველოს მოქალაქეები- 3

[ნუკა სტეფნაძე, ახალციხე]