‘რეკომენდაცია რჩება უცვლელი’ – ტიკარაძე ეკლესიაზე

საგანგებო მდგომარეობის რეჟიმის მიუხედავად, საპატრიარქო ღვთისმსახურებას კვლავ ჩვეული წესით ასრულებს, ამასთან დაკავშირებით ჟურნალისტების მიერ დასმულ კითხვას, თუ რა რეკომენდაციებს მისცემდა საპატრიარქოს აღდგომის დღესასწაულისთვის, ტიკარაძემ უპასუხა რომ რეკომენდაციები უცვლელია.

„მნიშვნელოვანია დავრჩეთ სახლში და გავუფრთხილდეთ ყველა ჩვენს ოჯახის წევრებს ვინც არიან რისკ–ჯგუფში. ძალიან მნიშვნელოვანია დავაფასოთ ერთმანეთის შრომა და ყველა ის რეკომენდაცია, რომელიც არის გაცემული ჩვენი მხრიდან, მნიშვნელოვანია რომ ყველა ჩვენი მოქლაქის მხრიდან იყოს განხორციელებუილი შესაბამისი ხარისხით“–განაცხადა ეკატერინე ტიკარაძემ.

ქვეყანაში კორონავირუსით ინფიცირების 266 დადსტურებული შემთხვევაა, აქედან 67 გამოჯანმრთელდა, სამი კი გარდაიცვალა.

ვირუსის გავრცელების გამო, 21 მარტიდან ქვეყანაში მოქმედებს საგანგებო მდგომარეობა, 31 მარტიდან კი საყოველთაო კარანტინი და ე.წ კომენდანტის საათი გამოცხადდა. დღის განმავლობაში იკრძალება სამზე მეტი ადამიანის შეკრება, 21:00–დან 06:00 საათამდე კი აკრძალულია გადაადგილება.

[რობი ზარიძე, ახალციხე]