Covid 19 - შემთხვევების რაოდენობამ მსოფლიოში 2 მილიონს გადააჭარბა

100 000 –ს აჭარბებს დადასტურებული შემთხვევების რაოდეობა ევროპის ოთხ ქვეყანაში, თუმცა მცირდება ახალი დადასტურებული შემთხვევების რიცხვი.

აპრილის დასაწყისიდან იტალიასა და ესპანეთში მცირდება როგორც ყოველდღიურად დადასტურებული, ისე გარდაცვალების მაჩვენებელიც.

გერმიანიაში ვირუსის გავრცელების ტემპი იკლებს, გარდაცვალების შემთხვევები კი 10 აპრილის შემდეგ ყოველდღიურად იზრდება.

ცვალებადი სტატისტიკაა საფრანგეთში, სადაც 10 აპრილის შემდეგ, გუშინ ყველაზე მეტი, 762 გარდაცვალების და 6 524 ახალი შემთხვევა დაფიქსირდა.

ჯანდაცვის მსოფლიო ორგანისაზიამ კორონავირსი პანდემიად 11 მარტს გამოაცხადა. საქართველოში ამ დროისთვის, კორონავირუსის 306 დადასტურებული, 69 გამოჯანმრთელების და 3 გარდაცვალების შემთხვევაა.

21 მარტიდან ქვეყანაში მოქმედებს საგანგებო მდგომარეობა, 31 მარტიდან კი საყოველთაო კარანტინი და ე.წ კომენდანტის საათი გამოცხადდა. დღის განმავლობაში იკრძალება სამზე მეტი ადამიანის შეკრება, 21:00–დან 06:00 საათამდე კი აკრძალულია გადაადგილება.


[რობი ზარიძე, ახალციხე]