კორონავირუსით ინფიცირების რიცხვი 517-მდე გაიზარდა

ექვსი ახალი შემთხვევიდან ერთი ახალციხეში დაფიქსირდა. კორონავირუსი "ცხელების ცენტრში" მყოფ პაციენტს დაუდგინდა.

29 აპრილის 10:30 საათის მონაცემებით, ქვეყანაში კორონავირუსით ინფიცირების 517 შემთხვევაა გამოვლენილი, მათგან 168 პირი გამოჯანმრთელდა, ხოლო 6 გარდაიცვალა. კარანტინის რეჟიმშია 5 153, სტაციონალური მეთვალყურეობის ქვეშ კი 549 მოქალაქე.

საქართველოში კორონავირუსის პირველი შემთხვევა 26 თებერვალს დადასტურდა.

ვირუსის გავრცელების გამო, 21 მარტიდან ქვეყანაში მოქმედებს საგანგებო მდგომარეობა, 31 მარტიდან კი საყოველთაო კარანტინი და ე.წ კომენდანტის საათი. დღის განმავლობაში იკრძალება სამზე მეტი ადამიანის შეკრება, 21:00–დან 06:00 საათამდე კი აკრძალულია გადაადგილება.

[sknews.ge]