სამებაში სააღდგომო ლიტურგია 'კომენდანტის საათის' დროს დაიწყება

დღეს,12 აპრილს „ვნების შვიდეულის ღვთისმსახურებათა“ განრიგი სამების საკათედრო ტაძარში არქიდიაკონმა დემეტრემ მრევლს გააცნო.

განრიგის მიხედვით, 18 აპრილს სააღდგომო ლიტურგია შუა ღამით, „კომენდანტის საათის“ დროს დაიწყება. 22:00 საათზე წაკითხული იქნება შუაღამის ჟამი, 23:00 საათზე მობრძანდება მისი უწმინდესობა და უნეტარესობა სრულიად საქართველოს კათოლიკოს-პატრიარქი.

“შაბათს, 7:00 საათზე, შესრულდება წესის აგება, ჟამების კითხვა, ხოლო 9:00 საათზე, წმინდა ბასილი დიდის საღმრთო ლიტურგია.

22:00 საათზე წაკითხული იქნება შუაღამის ჟამი, 23:00 საათზე მობრძანდება მისი უწმინდესობა და უნეტარესობა სრულიად საქართველოს კათოლიკოს-პატრიარქი.

00:00 საათზე დაიწყება ლიტანიობა და მოებმის წმ. იოანე ოქროპირის საზეიმო სააღდგომო საღვთო ლიტურგია“,- განაცხადა არქიდიაკონმა დემეტრემ.
სასულიერო პირს არ დაუკონკრეტებია ლიტურგია მრევლთან ერთად აღევლინება თუ მრევლის გარეშე.

30 მარტს პრემიერმა გიორგი გახარიამ საქართველოში სრული კარანტინი გამოაცხადა. მოქალაქეებისთვის 21:00 საათიდან დილის 06:00 საათამდე „კომენდანტის საათია“, რომლის დროსაც იკრძალება, როგორც ქვეითად, ისე ტრანსპორტით ქალაქებში და ქვეყნის მასშტაბით გადაადგილება.

[sknews.ge]