პატრიარქის კურთხევით, სამი დღე თევზით ხსნილი იქნება

"31-ში, 1 და 2-ში გეძლევათ ლოცვა-კურთხევა, რომ თევზით გაახსნილოთ", - ბრძანა პატრიარქმა.

მან ასევე საშობაო ლიტურგიაზე ისაუბრა. მისი განცხადებით, მრევლის ნაწილს სურვილი აქვს ზოგიერთ ტაძარში საშობაო წირვა დილით ჩატარდეს, რაც შესაძლებელია.

"მოახლოვდა შობა. ზოგიერთი ტაძრიდან გვატყობინებენ, რომ ხალხი ითხოვს დილას ჩაატარონ ლოცვა. ეს შეიძლება. დასაშვებია. ღამით ატარებენ და დილასაც. ასე რომ, თუ ხალხის მოთხოვნაა, უნდა შევუსრულოთ ეს თხოვნა, - აღნიშნა ილია მეორემ ყოვლადწმიდა სამების საკათედრო ტაძარში ქადაგებისას.

სამების საკათედრო ტაძარში კი წირვა ღამე ჩატარდება. საღამოს 9 საათზე დაიწყება ლოცვა, შემდეგ 11 საათზე შობის შეხვედრა და ღამის 12 საათის შემდეგ საშობაო ლიტურგია.

[sknews.ge]