ლევან რატიანი – სამი პაციენტის მდგომარეობა გაუმჯობესებულია

"დღეს ლუგარის ლაბორატორიიდან ყველა ტესტი უარყოფითი მოვიდა, რაც საბედნიეროა. ამ ეტაპზე ჩვენს კლინიკაში კორონავირუსით ინფიცირებული 15 პაციენტია, მათი მდგომარეობა დამაკმაყოფილებელია, არანაირი ცვლილება არ ხდება, დინამიკის გარეშეა. მოგეხსენებათ, რომ ორი პაციენტი კრიტიკული მედიცინის დეპარტამენტში მკურნალობას აგრძელებს, მათთან სასიცოცხლო პარამეტრების შენარჩუნება ხორციელდება. დანარჩენი პაციენტები ინტენსიური თერაპიის განყოფილებაში იმყოფებიან. სამი მათგანის მდგომარეობა მკვეთრად გაუმჯობესებულია, რამდენიმე დღეში განმეორებით ტესტირებას ველოდებით", - განაცხადა თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა.

29 მარტის, ამ დროის მონაცემებით გვაქვს შემდეგი სურათი:

– კორონავირუსის დადასტურებული შემთხვევა - 90;
– მათ შორის გამოჯანმრთელებული - 18;
– კარანტინის რეჟიმში - 4717;
– სტაციონარში მეთვალყურეობის ქვეშ - 268;

[sknews.ge]