სომხური სამოციქულო ეკლესია ‘წახკაზარდს’ იგივე ბზობას აღნიშნავს

„წახკაზარდი“ იგივე ბზობა — ქრისტიანული ეკლესიის ერთ-ერთი მთავარი საუფლო დღესასწაულია, რომელსაც ზეიმობენ აღდგომამდე ერთი კვირით ადრე, ქრისტეს იერუსალიმში შესვლის დღის აღსანიშნავად.

„წაღკაზარდის“ დღეს, სომხურ ეკლესიებს ტირიფის ტოტებით აფორმებენ. დილით წირვა ტარდება, რის შემდეგაც სასულიერო პირები ბზის ტოტებს აკურთხებენ და მორწმუნეებს ურიგებენ.

ბზის ტოტებს მორწმუნეები ოჯახში მომავალ დღესასწაულამდე ინახავენ, მათი რწმენით, ნაკურთხ ტოტებს სიკეთე, სიმრავლე და ნაყოფიერება მოაქვს.
ბზობის დღესასწაულის შემდეგ, ორშაბათიდან აღდგომამდე პერიოდს „უფროს“ კვირას უწოდებენ.

სომხური სამოციქულო ეკლესიის სასულიერო პირები ამბობენ, რომ საქართველოში საგანგებო მდგომარეობიდან გამომდინარე, ბზობიდან აღდგომის დღესასწაულამდე, სამცხე–ჯავახეთის მაშტაბით, ყველა საეკლესიო დღესასწაული და ცერემონია დახურულ კარს მიღმა,მრევლის გარეშე ჩატარდება.

[რიმა სარუხანიან, ახალციხე]