სომხეთში კორონავირუსით გარდაცვალების პირველი შემთხვევა დაფიქსირდა

ინფორმაციას ჯანდაცვის სამინისტროს სპიკერი, ალინა ნიკოღოსიანი თავის ოფიციალურ ფეისბუკ გვერდზე ავრცელებს.

„გარდაცვალება დაფიქსირდა „ნორკის“ ინფექციურ დაავადებათა კლინიკურ საავადმყოფოში. 72 წლის პაციენტს ჰქონდა კორონავირუსი, აგრეთვე ორმხრივი პნევმონია, პოლიორგანული უკმარისობა, რესპირატორული დისტრეს სინდრომი, ჰიპერტენზია და გულის რითმის დარღვევა. სამწუხაროდ, თანმხლები დაავადებების გამო ვერ იქნა შესაძლებელი პაციენტის სიცოცხლის გადარჩენა“, – წერს ალინა ნიკოღოსიანი.

პაციენტი გუშინდელიდან რეანიმაციულ განყოფილებაში იმყოფებოდა და მისი მდგომარეობა შეფასებული იყო, როგორც უკიდურესად მძიმე.

სომხეთში ინფიცირების 290 დადასტურებული შემთხვევაა, 18 გამოჯანმრთელება, 1 გარდაცვალება.

[sknews.ge]