'ველოდებით ხარისხიან სწრაფ ტესტებს, დღეს ვაკეთებ იმითი, რაც არის ოქროს სტანდარტი' – იმნაძე ტესტების ხარვეზებზე

მთავარი არხის კითხვაზე, ის ფაქტი, რომ სწრაფი ტესტით ექიმს ვირუსი დაუდგინდა, PCR ტესტით კი არა, ნიშნავს თუ არა რომ სწრაფი ტესტები უხარისხოა, იმნაძემ ასე უპასუხა:

"მე რომ ვამბობდი მაგას, თავი შევიკავოთ მეთქი, რატო არ არიო. მერე რომ ვთქვი, ა, ბატონო არი თქო, რატო არიო. რა ვქნა ახლა, ჭრელო პეპელა, ნურც გაფრინდები, ნურც მოფრინდებიო. ვამბობ და ვიძახი, ველოდებით ხარისხიან სწრაფ ტესტებს, დღეს ვაკეთებ იმითი, რაც არის ოქროს სტანდარტი. იმას ვაკეთებთ სწრაფად, რასაც სხვა ქვეყნებში დღეები სჭირდება და ახლა ჭრელი პეპელა არა ვარ რა", — განაცხადა დღევანდელ ბრიფინგზე პაატა იმნაძემ.

მისი თქმით, ერთი და იგივე კითხვა მოსახლეობის ფსიქიკას ძაბავს.

"იცით, ხალხი არის დაძაბული. კიდევ დიდი ხანი ვიცხოვრებთ ასეთ რეჟიმში ერთი და იგივე კითხვები მოსახლეობის ფსიქიკას კიდევ უფრო ძაბავს. ჩვენ ისედაც ყველა ვართ საკმაოდ დაძაბულ, სტრესულ სიტუაციაში. ამიტომ, ძალიან ვთხოვ ყველას, რომ მე მგონი, მოსახლეობასაც მობეზრდა ჩემი, მე მრცხვენია ხოლმე, რომ ერთი და იგივე კითხვაზე ერთი და იგივე პასუხი რამდენჯერ შეიძლება გავცე, მოვუფრთხილდეთ ერთმანეთის ფსიქიკას", – განაცხადა იმნაძემ.

[sknews.ge]