დღეს არსად არ არის შეკრების დრო, არც სამეგობროში და არც ეკლესიებში - პაატა იმნაძე

„ჩვენ კიდევ და კიდევ ვრჩებით ერთ პოზიციაზე, ნაკლები კონტაქტი ადამიანებთან. მძიმეა ამის თქმა, მაგრამ ეს ეხება ყველას. ეს ეხება ეკლესიასაც, სამეგობრო წრეებსაც და დიდ ოჯახურ თავყრილობებსაც.

დღეს რაც გვაქვს ყველა შემთხვევა, ეს იყო ძირთადად ოჯახური კლასტერები. ოჯახებში არ იყო, და მესმის ეს, დაცული თვითიზოლაციის წესები. ეს იყო სამეგობროში გავრცელებული დაავადება.

დღეს არც სამეგობროში შეკრების დროა, არც ოჯახებში დიდი შეკრებების და არც არსად გარეთ, მათ შორის ეკლესიებშიც“ - განაცხადა იმნაძემ

27 მარტის 14:00-ის მონაცემებით საქართველოში ახალი კორონავირუსის 81 დადასტურებული შემთხვევაა. გამოჯანმრთელებულია 13 პაციენტი. კარანტინის რეჟიმში 4 505 ადამიანი იმყოფება.

20 მარტიდან ქვეყანაში მოქმედებს საგანგებო მდგომარეობა. მარნეულისა და ბოლნისის მუნიციპალიტეტები კარანტინის ზონებადაა გამოცხადებული