ხვალიდან სწრაფი ტესტების შემოტანას ველოდებით - ჯანდაცვის მინისტრი

ეკატერინე ტიკარაძის თქმით, სწრაფი ტესტების შემოტანა ხვალიდან დაიწყება, - „ოთხშაბათიდან უკვე შეგვიძლია, დავიწყოთ მოსახლეობის მიზნობრივი ტესტირება. ეს დაეხმარება ჩვენს ექიმებს და ეპიდემიოლოგებს, რომ დროულად მოახერხონ კორონავირუსის აღმოჩენა. ტესტების შემოტანა მოხდება 4 ეტაპად. ჩვენ ველოდებით ტესტებს ხვალ, შემდეგ ველოდებით 27-ში და ასევე, გადანაწილებულია, ბოლო შემოტანას ველოდებით 5 აპრილისთვის და რაოდენობა არის საკმარისი, რათა მოხდეს საკმაოდ დიდი ჯგუფების გატესტვა“.

ამ დროისთვის საქართველოში ახალი კორონავირუსის 54 შემთხვევაა დადასტურებული. უკვე გამოჯანმრთელებულია 8 პაციენტი. კარანტინის რეჟიმში 3320 ადამიანი იმყოფება, სტაციონარში მეთვალყურეობის ქვეშ კი - 235. საკარანტინო ზონებადაა გამოცხადებული მარნეულისა და ბოლნისის მუნიციპალიტეტები.

[sknews.ge]