კორონავირუსი მარნეულში ორსულ ქალს დაუდგინდა - ჯანდაცვის მინისტრი

დღეს გამართულ ბრიფინგზე ეკატერინე ტიკარაძემ აღნიშნა, რომ მიმდინარეობს ორსული ქალის კონტაქტების მოკვლევა.

„დღეს ჩვენ გვაყავს 79 პაციენტი, ერთი პაციენტი არის საყურადღებო, რომელიც არის ორსული, რომელიც არის ჩვენი მარნეულელი პაციენტის ახლო ნათესავი, იქიდან გამომდინარე რომ ჩვენ სწორედ დღეს მიზნობრივ ჯგუფებს ვიკვლევთ მარნეულში, გამოკვლევა მიმართულია ამ ქალის ახლო კონტაქტებისა და ნათესავების მიმართ. შესაბამისად ამ კლასტერის გამოკვლევისას ჩვენმა სპეციალისტებმა დაადგინეს კოვიდის ინფექცია, ის გადმოყვანილია ახლა თბილისში, პირველ საუნივერსიტეტო კლინიკაში, ექიმები ზრუნავენ მასზე,“ – განაცხადა ტიკარაძემ.

საქართველოში 26 მარტის 17:10 საათის მონაცემებით, კორონავირუსის 79 შემთხვევაა დადასტურებული. 10 პაციენტი უკვე გამოჯანმრთელებულად მიიჩნევა. კარანტინის რეჟიმში 4346 პაციენტი იმყოფება, ხოლო სტაციონალური მეთვალყურეობის ქვეშ 247. ქვეყანაში მოქმედებს საგანგებო მდგომარეობა, მარნეულისა და ბოლნისის მუნიციპალიტეტები ჩაკეტილია და გამოცხადებულია კარანტინის ზონებად.

[ნუკა სტეფნაძე, ახალციხე]