‘მარნეულიდან და ბოლნისიდან გამოტანილი პროდუქტი უვნებელი და უსაფრთხოა’– ლევან დავითაშვილი

„რა თქმა უნდა, პროდუქტი უნდა მოდიოდეს, ხდება კიდეც ამ პროდუქტის გამოტანა. ის აბსოლუტურად უვნებელი და უსაფრთხოა. ეს პროდუქტი ბაზარს უნდა მიეწოდებოდეს. მნიშვნელოვანია, რომ თვითონ ის ადამიანები, ვინც საკარანტინო ზონაში იმყოფებიან, ისინი არ გადაადგილდებიან კარანტინის გარეთ. შესაბამისად, ჩვენ გვექნება ორგანიზებულ სავაჭრო სივრცეზე საუბარი იმისთვის, რომ ერთის მხრივ ადვილად მოხდეს პროდუქტის შიგნით შეტანა და მეორეს მხრივ, ადგილზე წარმოებული პროდუქტის გარეთ გამოტანა“, - განაცხადა დავითაშვილმა.

მისი თქმით, სურსათის ეროვნულ სააგენტოსთან ერთად უკვე შეთანხმებულია ის მარშრუტი, სადაც სადეზინფექციო სამუშაოები უნდა ჩატარდეს.

რადგან მარნეულში მცხოვრები პაციენტის, 62 წლის ქალის COVID-19-ით ინფიცირების წყაროს დადგენა ვერ მოხერხდა, 23 მარტს, მთავრობის გადაწყვეტილებით, მარნეულისა და ბოლნისის მუნიციპალიტეტები ჩაიკეტა.

[sknews.ge]