მარნეულში საველე ჰოსპიტალი მოეწყო

შსს–ს ინფორმაციით, შესაბამის სამუშაოებს საგანგებო სიტუაციების მართვის სამსახურის ქიმიურ, ბიოლოგიურ, რადიაციულ და ბირთვულ ინციდენტებზე რეაგირების ჯგუფები ჩაატარებენ.

ცნობისთვის გუშინ, 22 მარტს მარნეულში მცხოვრებ 62 წლის ქალს კორონავირუსი აღმოაჩნდა. პაციენტის COVID-19-ით ინფიცირების წყაროს დადგენა ვერ ხერხდება, ამის გამო მარნეულსა და ბოლნისში მკაცრი საკარანტინო რეჟიმი გამოცხადდა. ჩაიკეტა მუნიციპალიტეტების შესასვლელები.

აღნიშნულთან დაკავშირებით საქართველოს პრემიერ–მინისტრმა, გიორგი გახარიამ საგანგებო ბრიფინგზე განაცხადა, რომ ქვეყანა კორონავირუსის შიდა გავრცელების ეტაპზე გადავიდა.

23 მარტის 12:15 საათის მონაცემებით, საქართველოში კორონავირუსის 54 დადასტურებული შემთხვევაა, მათ შორის გამოჯანმრთელებულია 5 პაციენტი, კარანტინის რეჟიმშია - 3320, სტაციონარში მეთვალყურეობის ქვეშ - 235.

ამავე თემაზე:

რას გულისხმობს მკაცრი საკარანტინო რეჟიმი

[sknews.ge]