ახალქალაქი პირბადეებს, ხელთათმანებსა და ხალათებს მიიღებს

"ორი დღის წინ გუბერნიიდან შეგვატყობინეს, რომ საქართველოში ფირმებმა პირბადეების წარმოება დაიწყეს. ჩვენ შევუკვეთეთ, რათა საჭიროებისამებრ დავარიგოთ, ასევე შევახვედროთ მათ, ვისაც საზოგადოებასთან მუდმივი კონტაქტი აქვს. როდესაც მივიღებთ, შევიმუშავებთ ფორმას და პირობებს და შეგატყობინებთ, თუ ადამიანების რომელ კატეგორიას დავურიგებთ, და საიდან შეძლებენ ამის მიღებას. ჩვენ ყველას ვერ დავურიგებთ",- უთხრა გამოცემას ახალქალაქის მუნიციპალიტეტის მერმა, იურიკ უნანიანმა.

რამდენიმე დღის წინ, ეკონომიკის მინისტრმა განაცხადა, რომ 70 წელს გადაცილებულ ყველა პენსიონერს საქართველოში პირბადეები დაურიგდება. თურნავას თქმით, ასევე პირბადეებით უზრუნველყოფენ ჟურნალისტებს და იმ ადამიანებს, ვინც „ფრონტის წინა ხაზზე დგას“.

25 მარტის დილის 11 საათის მონაცემებით, საქართველოში, ახალი კორონავირუსის 73 ლაბორატიულად დადასტურებული შემთხვევაა, გამოჯანმრთელებულია 9 პაციენტი. ქვეყანაში მოქმედებს საგანგებო მდგომარეობა, ბოლნისისა და მარნეულის მუნიციპალიტეტები კი ჩაკეტილია და საკარანტინო ზონებადაა გამოცხადებული.

[sknews.ge]