ვინ მიიღებს პირბადეებს უფასოდ - ეკონომიკის მინისტრის განმარტება

„პირველ რიგში ეს არის რისკ ჯგუფები... გუშინ დაიწყო საქართველოს ფოსტამ მედიკამენტების მიწოდება 70 წელს გადაცილებულ პენსიონერებზე და ამ კომპლექტში ჩვენი პირბადეებიც შევიდა. ასევე ვისაც შეხება აქვს კარანტინებთან, შესაძლო დაავადებულებთან მაგალითად, გუშინ 10 000 გავგზავნეთ ბოლნისისა და მარნეულის მუნიციპალიტეტში... ასევე მეტროპოლიტენის თანამშრომლები, მნიშვნელოვანი კატეგორიაა, სასურსათო მარკეტებში დასაქმებული ადამიანები - მათაც დავუწყებთ მიწოდებას და თანდათან ეს წრე გაფართოვდება“.

მინისტრის თქმით, ნედლეულის მოწოდების გაზრდის შემთხვევაში, დაიწყება პირბადეების გაყიდვაც.

საქართველოში პირბადეების წარმოება კორონავირუსის გავრცელების შემდეგ დაიწყო. ეკონომიკის სამინისტროს ინფორმაციით წარმოებაში 10 - მდე კომპანიაა ჩართული და წარმოების მასშტაბები კიდევ გაფართოვდება.

ამ დრისთვის ქვეყანაში ინფიცირებულების რაოდენობა 67 -ს შეადგენს, ვირუსისგან განიკურნა 9 პირი, ხოლო 252 სტაციონარში მეთვალყურეობის ქვეშ იმყოფება.

ვირუსის გავრცელების გამო მთელი საქართველოს ტერიტორიაზე მოქმედებს საგანგებო მდგომარეობა, მარნეულისა და ბოლნისის მუნიციპალიტეტები კი საკარანტინო ზონებადაა გამოცხადებული.

[sknews.ge]