სწავლა 21 აპრილამდე გადაიდო

"საგანმანათლებლო დაწესებულებებში 2020 წლის 21 აპრილამდე შეჩერდეს სასწავლო პროცესი. ზოგადსაგანმანათლებლო და უმაღლეს საგანმანათლებლო დაწესებულებებმა აღნიშნული განახორციელოს დისტანციური სწავლების/კომუნიკაციის სხვადასხვა ფორმის გამოყენებით (ასეთის შესაძლებლობის შემთხვევაში)", – წერია N181 დადგენილებაში.

ქვეყანაში კორონავირუსის გავრცელების გამო, საგანმანათლებლო დაწესებულებებში სწავლა ორი მარტიდან შეჩერდა. მოგვიანებით, დისტანციურ რეჟიმზე გადავიდა თითქმის ყველა, სამთავრობო და არასამთავრობო ორგანიზაცია. 11 მარტს ჯანდაცვის მსოფლიო ორგანიზაციამ ახალი კორონავირუსი პანდემიად გამოაცხადა, 20 მარტიდან ქვეყნის მასშტაბით სავაჭრო ობიექტები დროებით დაიხურა. კვების ობიექტების ნაწილი კი ე.წ გატანის სერვისზე გადავიდა.

21 მარტს ქვეყანაში საგანგებო მდგომარეობა გამოცხადდა, 23 მარტს მკაცრ საკარანტინო რეჟიმზე გადავიდა მარნეული და ბოლნისი. 24 მარტიდან ქვეყანაში ყველა სახის საქალაქთაშორისო ტრანსპორტის მოძრაობა იკრძალება.

[sknews.ge]