ევროპიდან საქართველოს მოქალაქეების ჩამოყვანის განრიგი

დავით ზალკალიანის თქმით, საქართველოს მოქალაქეებს სამშოლოში ეტაპობრივად დააბრუნებენ.

მიმდინარე კვირის განრიგი ასეთია:

23 მარტი - შედგება ბერლინიდან რეისი, რომლითაც საქართველოს მოქალაქეებს დააბრუნებენ გერმანიიდან და სხვა ევროპული ქალაქებიდან;

24 მარტი - საქართველოს მოქალაქეებს ჩამოიყვანს ბერძნული ავიახაზები “ეგეოსი”, რომელიც ამავე დროს საქართველოდან საბერძნეთში დააბრუნებს საბერძნეთის მოქალაქეებს;

26 მარტი - რეისი თბილისი-ვენა-თბილისი;
კიდევ ოთხი რეისი შედგება მომავალ კვირაში:
31 მარტი - თბილისი-ამსტერდამი-თბილისი;
3 აპრილი - თბილისი-ვარშავა-თბილისი;
7 აპრილი - თბილისი-ათენი-თბილისი;
10 აპრილი - თბილისი-ლარნაკა-თბილისი.

დავით ზალკალიანის თქმით, სახელმწიფო უზრუნველყოფს, რომ ბილეთის ფასი 199 ევროს არ აღემატებოდეს.

ახალი კორონავირუსის საფრთხის გამო საქართველოში მკაცრად კონტროლდება აქვს ყველა სახის მიმოსვლა, საზღვრები ღიაა მხოლოდ სატრანზიტო გადაზიდვებისთვის. ქვეყანაში შემოსვლა აკრძალულია უცხო ქვეყნის მოქალაქეებისთვის.
საგარეო საქმეთა მინისტრის ინფორმაციით, სამშობლოში უკვე დაბრუნდა უცხოეთში მყოფი 3 ათასამდე მოქალაქე. საქართველოში დაბრუნებული მოქალაქეებისთვის სავალდებულოა 14-დღიანი კარანტინის გავლა.

ამ დროისთვის საქართველოში ახალი კორონავირუსის 54 შემთხვევაა დადასტურებული. უკვე გამოჯანმრთელებულია 8 პაციენტი. კარანტინის რეჟიმში 3320 ადამიანი იმყოფება, სტაციონარში მეთვალყურეობის ქვეშ კი - 235. საკარანტინო ზონებადაა გამოცხადებული მარნეულისა და ბოლნისის მუნიციპალიტეტები.

[sknews.ge]