20 მარტს გამოვლენილი 3 ინიფიცრებულის მოგზაურობის ისტორია აშშ-ს უკავშირდება

სამივე დაინფიცირებული პირი ბოჭორიშვილის სახელობის კლინიკაში იმყოფება. ინფიცირების გამოვლენამდე ისინი იმყოფებოდნენ თვითიზოლაციაში.

„სამი ახალი შემთხვევა არის არაევროპული ეტიმოლოგიის. ეს გახლავთ ოჯახი, რომლებმაც იმოგზაურეს ამერიკის შეერთებულ შტატებში. ეს არის ახალი კლასტერი. ყველა ის პიროვნება, რომელიც იმყოფებოდა ამ ოჯახთან კონტაქტზე, არის იდენტიფიცირებული და მიმდინარეობს მათზე დაკვირვება შემდგომი ტაქტიკის დამუშავებისთვის“,- განაცხადა ტიკარაძემ.

მისივე თქმით, გვაქვს ახალი სავარაუდო მეოთხე შემთხვევა აჭარაში და დღის ბოლოს აჭარის ჯანდაცვის მინისტრი გაავრცელებს ზუსტ ინფორმაციას ამ პაციენტის ჯანმრთელობის მდგომარეობის შესახება.

ცნობისთვის, ბოლო მონაცემებით საქართველოში კორონავირუსით ინფიცირების 43 შემთხვევაა დადასტურებული, აქედან ერთი, პირველი პაციენტი, ვისაც საქართველოში კორონავირუსი დაუფიქსირდა, გამოჯანმრთელდა.

ასევე შეგიძლიათ გაეცნოთ ჯანმრთელობის მსოფლიო ორგანიზაციის რეკომენდაციას კორონავირუსთან დაკავშირებით.

[sknew.ge]