SKკულინარია: სალათა 'მიმოზა' [ვიდეო]

1 – კარტოფილი და სტაფილო გარეცხეთ და მოხარშეთ. გაფცქვენით და ცალ–ცალკე გახეხეთ.

2 – მოხარშეთ კვერცხები, გააგრილეთ და დააცილეთ ერთმანეთს ცილა და გული. ცალ–ცალკე გახეხეთ ან წვრილად დაჭერით.

3 – პატარა თასში მოათავსეთ წვრილად დაჭრილი ხახვი, დაფარეთ ცხელი წყლით და გააჩერეთ ათი წუთი. შემდეგ წყალი გადაწურეთ.

4 – გადაწურეთ თევზის კონსერვი. მასა ჩანგლით დააქუცმაცეთ და დასრისეთ.

5 – სასალათე თასში გაშალეთ გახეხილი კარტოფილი. გადაუსვით მაიონეზი.

6 – შემდეგი ფენა თევზისაა, მოაყარეთ თევზის ფენას დაჭრილი ხახვი და ისევ მაიონეზი გადაუსვით.

7 – მოაყარეთ კვერცხის ცილა და კვლავ მაიონეზი.

8 – შემდეგი ფენა გახეხილი სტაფილო უნდა იყოს და ამ ფენასაც მაიონეზი გადაუსვით.

9 – მოაყარეთ კვერცხის გული. ეს ბოლო ფენაა.




კარტოფილი – 4 ცალი
კვერცხი – 4 ცალი
ხახვი – 1 თავი (პატარა)
სტაფილო – 2 ცალი (დიდი )
ორაგულის კონსერვი – 250 გრ.
მაიონეზი – 200 გრ.
შავი პილპილი
მარილი გემოვნებით



გადაღება და მონტაჟი – გიორგი ლონდარიძე

კერძის მომზადება – თოვლია ვარდიძე

[sknews.ge]